المجتمع المدنى، كلمة ممكن تكون سمعتها كثير بدون ما تهتم معناها اية، ناس كتير بتفتكرها إنها بس نوع معين من الجمعيات زي جمعيات حقوق الأنسان.

و زي ما ممكن ناس تقول كلام كويس عن المجتمع المدني زي أنة بيساعدنا أو بيعمل لنا خدمات، ممكن برضة ناس تانية تقول أنة ساعات بيتمول من منظمات برة أو مثلا يكون مختلف مع فكرة منظمة فيشوف أن المجتمع المدني كلة مش كويس.

يمكن ناس كتير متعرفش يعني اية مجتمع مدني، و قد اية هو مهم في حياتهم و هل هو فعلا إختراع غربي، ولا حاجة قديمة عمرها أكتر من 100 سنة في مصر، طيب و لو هو موجود من زمان لية مش بنسمع عنة ؟

كل دى اسئلة هنجاوب عليها فى حملة ، علشان نقولكم احنا مين؟ واحنا بنعمل ايه؟ وكمان علشان نقول لكم ان المجتمع المدنى ده هو انتم هو كل واحد فيكم ....

حملة ، هى حملة بينظمها اتحاد الشباب الليبرالى المصرى ... الحملة هتبتدى مع اول اكتوبر وهتستمر طول شهر اكتوبر، الحملة هيكون فيها اكتر من حاجة للتعريف بالمجتمع المدنى و دورة في حياة كل واحد فينا.

هنتكلم عن المنظمات وانواعها ، الحقوقية و التنموية و الللى بتدافع عن حقوق المراة و عن حقوق الطفل ، والمنظمات اللى بتحافظ على البيئة ، والمنظمات اللى بتخدم مناطق محددة ، والمنظمات اللى بتقدم مهارات للشباب او لغيرهم .....

يبقى اخر سؤال الحملة هتتعمل فين ؟؟
الحملة هتروح اكتر من منظمة مجتمع مدنى فى اكتر من محافظة فى مصر، وكمان هتروح  النوادى والنقابات ومعظم الاماكن العامة.

إتعرف على الحمله أكتر :

   ما هي حملة مجتمعنا ؟
ما هى خطوات الحملة ؟
 كيف يمكنكم التعاون مع حملة مجتمعنا ؟

Euly.org - Home - Et3araf 3l 7amla - Events - El film - 3 Taree2 - Motatw3een